എഴുത്തിന്റെ വയാഗ്രാശക്തി കൊണ്ട് മാത്രം മൂന്ന് കൊല്ലത്തില് അധികമായി ബ്ലോഗില് പിടിച്ചു നില്ക്കുന്ന ഒരേ ഒരു ബ്ലോഗറേ ഉള്ളൂ. നട്ടെല്ലു വളയാതെ ഇനിയും ഒരു പതിറ്റാണ്ടോളം എഴുതാനുള്ള ആശയങ്ങളും ധാരാളം അദ്ദേഹത്തിന്റെ ആവനാഴിയില് ബാക്കിയുണ്ട്. ജീവന് ടോണിന്റെ ശക്തിയുള്ള പോസ്റ്റുകള് അദ്ദേഹം ഇനിയും എഴുതുകയും ചെയ്യും. എഴുത്തിന്റെ മാസ്മരികത കൊണ്ട് പലര്ക്കും ഇപ്പോള് അദ്ദേഹത്തിന്റെ ബ്ലോഗ് വായിക്കാതിരിക്കാന് കഴിയാത്ത അവസ്ഥ വന്നിട്ടുണ്ട്. ആ ബ്ലോഗുവായിക്കാതെ പ്രഭാത കര്മ്മങ്ങള് നടത്താന് പാടുപെട്ട ഒരു ബ്ലോഗുവായനക്കാരനെ എനിക്കു നേരിട്ടറിയാം.
സ്ഥിരതാമസം കേരളത്തിനുപുറത്താണെങ്കിലും മനസ്സ് നാട്ടിലായതിനാല് നാട്ടിലെ സാമൂഹ്യ-രാഷ്ട്രീയ പ്രശ്നങ്ങള് കണ്ടില്ലെന്ന് നടിക്കാന് അദ്ദേഹത്തിന് കഴിയാത്തതുകൊണ്ട് ഇപ്പോള് ഫുള്ടൈം ബ്ലോഗിങ്ങാണ് ജോലി. നാടിനെക്കുറിച്ച് ചിന്തിക്കാനും ആരെങ്കിലും ഒക്കെ വേണ്ടേ? സ്വന്തം ബ്ലോഗില് വരുന്ന അഭിനന്ദന കമന്റുകള് ഡിലീറ്റ് ചെയ്ത് കൈ കഴക്കുന്നതിനിടെ മറ്റു പോസ്റ്റുകള് വായിക്കാനും കമന്റിടാനും എവിടെ സമയം കിട്ടുന്നു. കോട്ടയം കുഞ്ഞച്ചന്, സാഗര് ഏലിയാസ് ജാക്കി, ഏഞ്ചല് ജോണ്, കീരിക്കാടന് ജോസ് തുടങ്ങി യഥാര്ത്ഥ നാമങ്ങളില് കമന്റിടുന്നവരുടെ അഭിപ്രായങ്ങള് മാത്രമേ അദ്ദേഹം പരിഗണിക്കാറുള്ളൂ. എന്നെപ്പോലുള്ള ഫോട്ടോയും ഫോണ് നമ്പറും വെക്കാത്ത അനോണിബ്ലോഗര്മാര്ക്കെതിരെയുള്ള അദ്ദേഹത്തിന്റെ നിരന്തരസമരത്തെ ഞാനടക്കമുള്ള എതിരാളികള് പോലും ബഹുമാനിക്കുന്നു.
മലയാളത്തിലെ ബ്ലോഗര്മാരില് പകുതിയും പിതൃശൂന്യരാണെന്നാണ് അദ്ദേഹത്തിന്റെ പുതിയ കണ്ടെത്തല്. ഇതുവരെ ഒരു അഗ്രഗേറ്ററിനും കണ്ടെത്താനാവത്ത ഒരു വിവരം ആണ് അദ്ദേഹം പുറത്തുവിട്ടിരിക്കുന്നത്. മലയാളത്തില് ഇപ്പോള് ബ്ലോഗുചെയ്യുന്നതായി നാലായിരത്തി മുന്നൂറ്റി പതിനെട്ടുപേരാണുള്ളത്. അതില് കെ.കുഞ്ഞിക്കണ്ണനും സി.കെ സോമശേഖരനും ബ്ലോഗിങ് നിര്ത്തി. ബാക്കി നാലായിരത്തി മുന്നൂറ്റി പതിനാറ്. അതിന്റെ പകുതി രണ്ടായിരത്തി ഒരുന്നൂറ്റി അമ്പത്ത് എട്ട് പേര് പിതൃശൂന്യരാണെന്നു കണക്കുകള്. സിംഗപ്പൂരിലെ കൊച്ചാട്ടൻ വാങ്ങിത്തന്ന കാല്കുലേറ്ററില് കൂട്ടിനോക്കിയതാണ്. തെറ്റാന് വഴിയില്ല. അങ്കമാലിയിലെ അമ്മാവനെ വിളിച്ച് ക്രോസ് ചെക്കും ചെയ്തിരുന്നു. ഈ ലിസ്റ്റില് പെട്ട ബ്ലോഗര്മാരുടെ പേരു വിവരങ്ങള് അദ്ദേഹം വിശദമാക്കിയിട്ടില്ല. 2001ലെ സെന്സസ് പ്രകാരം കേരളത്തിലെ സ്ത്രീജനസംഖ്യാനുപാതം പുരുഷന്മാരുടേതിലും അധികമാണെന്ന റിപ്പോര്ട്ടും കൂടെ ചേര്ത്തുവായിക്കുമ്പോള് ഈ കണക്കുകള് ശരിയാവാന് സാധ്യതയുണ്ട്.
പരുത്തിപ്പറമ്പില് പാപ്പച്ചന്റെ(94) മകനാണ് ഞാന് എന്ന കാര്യം മുമ്പൊരിക്കല് മറ്റൊരു പോസ്റ്റില് സൂചിപ്പിച്ചിരുന്നു. ഈ റിപ്പോര്ട്ട് വന്ന സ്ഥിതിക്ക് അതൊന്നുകൂടെ അനൗണ്സ് ചെയ്തേക്കാമെന്നു വെച്ചു. ഒരു അഞ്ച് അഞ്ചരപ്രാവശ്യം കൂട്ടിക്കിഴിച്ചതാണെങ്കിലും ഇതൊക്കെ ഒന്നൂടെ വേരിഫൈ ചെയ്യണ്ടേ? ഒരു കണക്കെടുപ്പിനായി പിതൃശൂന്യരല്ലാത്ത മറ്റു മാന്യബ്ലോഗര്മാരും സ്വന്തം അച്ഛന്റെ പേരും ഡീറ്റൈല്സും ഇതുപോലെ വെളിപ്പെടുത്തണമെന്ന് ഞാന് ആഹ്വാനം ചെയ്യുന്നു. അഞ്ചാറുതന്തയുണ്ടായാലരചനുമാണ്ടിയാകും എന്നല്ലേ കവി വചനം!
പ്രത്യേകം ശ്രദ്ധിക്കുക: കണ്ണൂരിലെ സര്ട്ടിഫിക്കേറ്റുകള് വ്യാജമാണെന്നുള്ള ആരോപണം ഉള്ളതുകൊണ്ട് കണ്ണൂരും പരിസരപ്രദേശങ്ങളിലും ഉള്ള ബ്ലോഗര്മാര് പിതാവുണ്ടെങ്കില് അവരെ നേരിട്ട് ഹാജരാക്കേണ്ടതാണ്.
Subscribe to:
Post Comments (Atom)
എന്റെ പ്രായത്തിലൊരു കമ്പനിയില്ലതെ വിഷമിക്കുവാരുന്നു. സാര് വീശുന്ന കൂട്ടത്തിലാണോ?
ReplyDeletekindi thanne
ReplyDeleteനല്ല പ്രായത്തില് റബ്ബര് നട്ടിരുന്നേല്, അതിന്റെ പേരില് നാല് ബ്ലോഗ്ഗും മൂന്ന് സൈറ്റും തുടങ്ങാമായിരുന്നു.
ReplyDeleteഎന്റെ പ്രായത്തിലൊരു കമ്പനിയില്ലതെ വിഷമിക്കുവാരുന്നു. സാര് വീശുന്ന കൂട്ടത്തിലാണോ?
ReplyDeletehi hi hi kalakki.